尋日同埋老豆去左探嬷嬤...
嬷嬤經已廋到似皮包骨,睇見就心痛... 佢一日比一日弱,身體功能都慢慢退化...
兩個月前佢仲可以踩單車,但係而家佢連食0野同埋落床都毋力.
生老病死...呢D都係人生必經既階段... 我真係覺得好無助啊!
人生本來就係苦海... 人人都以為能夠活係呢個世界上,係因為我地好彩,因為我地前世績得福多,今世先至會有福氣做人. 人有七情,有六慾, 有感覺, 有愛, 有情, 有思想, 有所謂既人性. 就因為我地有"人性",所以對於生老病死先至會更加执著, 更加痛苦. 就算再活得更好,都無法脫離生老病死既恐懼.
尤其係睇住自己身邊最親最愛既人受苦受難, 呢個簡直就係做人最辛苦,最殘酷既虐待...
如果一個人病左,你仲話可以期望佢早日康復....但係...當你知道佢已經毋可能可以再好返既時候... 你因該抱住麼0野心情去面對呢?
人生誰無死呢? 呢種叫樂觀? 安慰? 自欺欺人? 還是自私呢?
或者人類太識得讓自己好過D,所以本來我地係來受苦既,都變成來享受.
我地下下都選擇犧牲人地來換取自己既快樂... 下下都破壞D生態來換取自己既方便... 將大自然既定律反轉...
唔知到呢D算唔算係逆天而行呢? 逆天而行,必遭天譴!??
我地以為我地依家識得利用D科技來慳返D時間, 實係比起D古代既人醒得多啦....但係就因為D輻射同埋當今D化學作用, 我地既壽命亦都比古代既人短左一大半.. 相比之下, 我地有毋慳到D時間呢? 而且我地仲面臨僅地球暖化既危機0添!
所以話大家都係省返D力氣,接受呢個殘酷既命運啦...
No comments:
Post a Comment